reklam
"İnter"in müraciətinə CAS-dan rəsmi cavab gəldi

Xəbər verdiyimiz kimi, 30 mart 2016-cı il tarixdə UEFA CFCB-nin İstintaq Palatasının qəbul etdiyi 10 dekabr 2015-ci il tarixli AC-05-2015 nömrəli qərarını qüvvədə saxlayaraq, “İnter”i növbəti üç avrokubok mövsümündən (2016/2017, 2017/2018, 2018/2019) birində (ölkədaxili futbol mövsümünün yekun nəticələrinə görə avrokubok oyunlarına vəsiqə qazanacağı halda) iştirak hüququndan məhrum etmişdi. 

İdmanxeber.com-un məlumatına görə, İdman Arbitraj Məhkəməsinə (CAS) müraciət etmək hüququndan yararlanan “İnter”in mənafeyini qoruyan hüquq şirkəti işlə bağlı zəruri sənədləri toplayaraq, 26.04.2016-cl il tarixdə CAS-a müraciət etmişdi.

Diqqətinizə çatdırırıq ki, CAS-dan işlə bağlı rəsmi cavab alınıb. Məktubda bildirilir ki, “İnter”in işlə bağlı zəruri sənədlər toplusu qəbul edilib və nəzərdən keçirilib. Bundan başqa, məktubda qarşı tərəfin (UEFA) işlə bağlı 20 gün ərzində rəsmi mövqe bildirməsinin zəruri olduğu qeyd olunub. İşlə bağlı məhkəmənin keçirilmə tarixi UEFA-nın məsələyə rəsmi mövqe bildirməsindən sonra müəyyən ediləcək.

Məsələ ilə bağlı əlavə xəbər olduğu zaman rəsmi məlumat veriləcək.