“Neftçi”nin yeni transferi Georgi Navalovski klub televiziyasına açıqlama verib.

İdmanxeber.com-un məlumatına görə, gürcü müdafiəçi təlim məşq toplanışının gedişatı haqqında fikirlərini bölüşüb:

“Təlim-məşq toplanışı normal keçir. Əhval-ruhiyyəmiz çox yaxşıdır. Biz demək olar ki, vahid, mehriban komandayıq. Hiss olunur ki, bir ailəyik. Məqsədimiz budur ki, çempionat başlayanadək hazır olaq. Komandanın qarşıya qoyulan məqsədə çatması və buna birlikdə nail olmağımız üçün hər şey etmək istəyirəm. Əgər yaxşı hazırlaşıb, öz işimizin öhdəsindən gəlsək, hər şey edə bilərik. “Neftçi” azarkeşlərinə demək istəyirəm ki, əsas odur ki, bizə inansınlar. Onları sevindirmək üçün əlimizdən gələni edəcəyik”.