reklam

Son turlar Premyer Liqa oyunları biabırçı hakim səhvləri ilə yadda qalır. Hakimlərin yanlış qərarları bəzi klubların da "səbr kasası"nı daşırmağa vadar edir. Artıq "Qəbələ" klubu bu gün "Neftçi"yə qarşı (1:0) keçirilən oyundan sonra bəyanat yayaraq belə qərarların tərəfdarı olmadıqlarını və ədalətli futbol istədiklərini bildirib (http://idmanxeber.com/xeber/34383/).

Xatırladaq ki, bu gün keçirilən "Qəbələ" - "Neftçi" matçında qeydə alınan yeganə qol oyundankənar vəziyyətdən vurulub.

Belə bir bəyanatın "Qarabağ" klubu tərəfindən də yayılacağını düşünsək də, bu, olmayacaq.

Belə ki, İdmanxeber.com-a verdiyi qısa açıqlama zamanı Ağdam klubun mətbuat xidmətinin rəhbəri Nurlan İbrahimov yaxın gələcəkdə belə bir bəyanatın yayılmayacağını bildirdi:

"Qarabağ" klubu hakim qərarlarına etiraz etmir. Yaxın zamanda da klubumuz qeyd etdiyiniz formada bəyanat yaymayacaq".

Qeyd edək ki, "Qarabağ" klubunun son iki oyununda da hakimlərin şübhəli qərarları müzakirıələrə səbəb olmuşdu.