reklam
Taekvando millimiz İslamiadaya bu heyətlə gedir<strong><font color=#ff0000> (SİYAHI)</font></strong>

Azərbaycan Taekvando Federasiyası “Bakı-2017” IV İslam Həmrəyliyi Oyunlarının taekvando yarışlarında ölkəmizi təmsil edəcək milli komandanın heyətini müəyyənləşdirib.

Idmanxeber.com Azərbaycan Taekvando Federasiyasının saytına istinadən xəbər verir ki, yığmamız bu Oyunlarda 8 kişi və 4 qadın taekvandoçu olmaqla, ümumilikdə, 12 idmançı ilə təmsil olunacaq.

Kişilərin yarışında Qaşım Maqomedov (54 kq), Fizam Mehtiyev (58 kq), Məhəmməd Məmmədov (63 kq), Ayxan Tağızadə (68 kq), Səid Quliyev (74 kq), Milad Beigi Hərçəqani (80 kq), Ramin Əzizov (87 kq) və Radik İsayev (87 kq-dan yuxarı) mübarizə aparacaq.

Qadınların yarışında isə ölkəmizi Patimat Abakarova (49 kq), Yaprak Eriş (57 kq), Darya Şkurko (62 kq) və Fəridə Əzizova (67 kq) təmsil edəcək.

Qeyd edək ki, “Bakı-2017”də taekvando yarışları mayın 16-18-də Bakı İdman Sarayında təşkil olunacaq.

Xatırladaq ki, taekvando üzrə yığmamız IV İslam Həmrəyliyi Oyunlarına hazırlıqla bağlı son beynəlxalq yarış olan aprelin 27-dən 30-dək Yunanıstanda keçirilmiş “Prezident kuboku” turnirində səkkiz medal qazanıb.