Çempionlar Liqasının qrup mərhələsinin sonuncu turunun ilk oyun günündən sonra UEFA reytinqi açıqlanıb.

İdmanxeber.com-un məlumatına görə, dünən keçirilən matçlardan sonra Azərbaycanın mövqeyində dəyişiklik olmayıb. "Roma" ilə səfər oyununda 0:1 hesabı ilə uduzan "Qarabağ" ölkəmizin xal ehtiyatını artıra bilməyib.  23-cü pillədə qərarlaşan Azərbaycanın 19.125 xalı var.
Qeyd edək ki, ölkəmizdən 1 pillə irəlidə olan İsveçin 19.225 xalı var.