Fasiləyə rekordla yollanan "Qarabağ"

Oxunma: 189 TARIX /

“Qarabağ”  Topaz Premyer Liqasında ardıcıl 6-cı qələbəsini qazanıb. 

İdmanxeber.com-un PFL-in saytına istinadən yaydığı xəbərə görə, IV turdan təxirə salınan səfər matçında “Səbail”i 2:0 hesabı ilə məğlub edən Qurban Qurbanovun komandası qış fasiləsinə mövsümün rekord seriyası ilə yollanıb. 

6 oyunluq qələbə seriyası cari mövsümün rekord göstəricisidir. Bunadək də  rekord “Qarabağ”a məxsus idi. Ağdamlılar ilk 5 turda xal itirməmişdi. XIV turda həmin rekordu təkrarlayan komanda təxirə salınmış matçda nəticəni yeniləyib.

Qeyd edək ki, bunadək Ağdam klubu X turda “Səbail”i 1:0, XI turda “Kəpəz”i 2:0, XII turda “Sumqayıt”ı 2:0, XIII turda “Zirə”ni 3:2, XIV turda “Neftçi”ni 1:0 hesabı ilə yenmişdi.