reklam

“Sumqayıt” çempionatda ən xoşladığım komandadı. Bilirdik ki, çətin olacaq”.

İdmanxeber.com-un məlumatına görə, bu sözləri “Zirə”nin baş məşqçisi Ayxan Abbasov deyib.

“Qartallar” Azərbaycan Premyer Liqasının XV turunda öz meydanında “Sumqayıt”la qollu heç-heçə edib.

Oyundan sonra baş tutan mətbuat konfransında iştirak edən çalışdırıcı fikirlərini bildirib: “Birinci və ikinci hissədə fərqli oyun sərgilədik. İkinci hissədə daha yaxşı oynadıq. Düşünürəm ki, hesab ədalətli oldu. Ümumilikdə, çempionat çətin keçəcək və bizim üçün hər bir xal önəmlidi. Qələbə qazanmaq istəsək də, alınmadı. Ümid edirik ki, növbəti oyunlarda qələbə qazanacağıq”.   

- Dedovun adının iştirak ərizəsinə salınmamasına səbəb nədir?

- Dedov hazırdı. Komanda ilə məşq etmədiyinə görə ona şans vermədim. Dedov gələn oyunlarda bizimlə olacaq.

- Urdinov epizodların birində baş hakim Əliyar Ağayevin üzərinə tüpürdü.

- Epizodu görməmişəm. Həmin epziodda hakim bizim lehimizə cərimə zərbəsi verməli idi, amma vermədi. Fasilə zamanı Urdinovla danışdıq, sakit olmasını istədik. Əgər tüpürübsə, cəzasını verəcəyik.